उद्धव बाळासाहेब ठाकरे गटाकडून लोकसभा निवडणुकीची दुसरी सूची घोषित !

मुंबई – उद्धव बाळासाहेब ठाकरे गटाने लोकसभा निवडणुकीची दुसरी सूची ३ एप्रिल या दिवशी घोषित केली आहे. यामध्ये कल्याण लोकसभा मतदारसंघातून वैशाली दरेकर, हातकणंगलेमधून सत्यजित पाटील, पालघर येथून भारती कामडी, तर जळगावमधून करण पवार यांना उमेदवारी देण्यात आली आहे. यापूर्वी उद्धव बाळासाहेब ठाकरे यांनी १७ उमेदवारांची नावे घोषित केली आहेत.

भाजपचे खासदार उन्मेश पाटील यांचा ठाकरे गटात प्रवेश !

भाजपचे जळगाव येथील विद्यमान खासदार उन्मेश पाटील यांनी ३ एप्रिल या दिवशी उद्धव बाळासाहेब ठाकरे या पक्षात प्रवेश केला. त्यांना जळगाव येथून उमेदवारी देण्यात येईल, अशी शक्यता वर्तवण्यात येत होती; मात्र जळगाव येथून ठाकरे गटाने करण पवार यांना उमेदवारी दिली आहे.