महाराष्ट्रात १९, २६ एप्रिल, ७, १३ आणि २० मे या दिवशी लोकसभेच्या मतदानासाठी भरपगारी सुटी !

मुंबई : केंद्रीय निवडणूक आयोगाने घोषित केल्यानुसार लोकसभेची सार्वत्रिक निवडणूक ५ टप्प्यांत होणार आहे. महाराष्ट्रातही ९ एप्रिल, २६ एप्रिल, ७ मे, १३ मे आणि २० मे या दिवशी मतदान होणार आहे. नागरिकांना मतदानाचा हक्क बजावता यावा, यासाठी वरील दिवशी राज्य शासनाने भरपगारी सुटी घोषित केली आहे.

ही सुटी शासकीय आस्थापनांसह सर्व खासगी आस्थापनांनाही असणार आहे. अपवादात्मक स्थितीत काम करणारे अधिकारी, कर्मचारी यांना पूर्ण दिवसाची सुटी शक्य नसल्यास मतदान करण्यासाठी त्यांना किमान २ घंट्यांची सवलत दिली जाणार आहे.