घड्याळ चोरीच्या संशयातून मुलाला मदरशात अर्धनग्न करून मारहाण !

छत्रपती संभाजीनगर – खुलताबाद येथील मदरशात आलिम (विद्वान) होण्यासाठी गेलेल्या सुरतच्या १६ वर्षीय मुलाला इतर विद्यार्थ्यांकडून मारहाण होत असल्याचा व्हिडिओ उघड झाला होता. घड्याळ चोरल्याच्या संशयावरून त्याला ही शिक्षा देण्यात आल्याचे समजते. या प्रकरणी संबंधित मुलाच्या वडिलांनी कारवाईची मागणी केली आहे. वडील म्हणाले, ‘‘आम्ही तातडीने खुलदाबादच्या मदरशात जाऊन विश्वस्तांची भेट घेतली. तेथे अशा प्रकारची शिक्षा देणार्‍या शिक्षकाला नोकरीवरून काढण्यात आल्याचे विश्वस्तांनी सांगितले आहे. पोलिसांनी आमची तक्रार वैध मानली आहे.’’

संबंधित व्हिडिओमध्ये दिसत आहे की, अर्धनग्न अवस्थेत बसलेल्या मुलाच्या डोक्यावर ५ जणांनी थुंकून त्याच्या पाठीवर थाप मारली. तो विव्हळत असूनही त्याला वाचवायला कुणीही गेले नाही.