‘व्हॅलेंटाईन डे’मुळे वाढत्या स्वैराचारी वृत्तीला आळा घालण्यासाठी गोंदियाच्या जिल्हाधिकार्‍यांना निवेदन !

गोंदिया, १५ फेब्रुवारी ( वार्ता.) – अनमोल भारतीय संस्कृतीवर घाला घालणार्‍या ‘डे संस्कृती’चे प्रमाण वाढत चालले आहे. त्याचेच सर्वाधिक दुष्परिणाम ‘व्हॅलेंटाईन डे’च्या निमित्ताने बघायला मिळतात. प्रेमाचे बीभत्स सादरीकरण ‘व्हॅलेंटाईन डे’च्या पार्श्वभूमीवर बघायला मिळते. या दिवशी होणार्‍या अपप्रकारांना आळा घालण्यात यावा, अशा मागणीचे निवेदन गोंदिया येथील जिल्हाधिकारी श्री. प्रजीत नायर, तसेच पोलीस ठाणे अन् शहरातील प्रमुख महाविद्यालये येथे देण्यात आले. या वेळी हिंदु जनजागृती समितीचे सर्वश्री ऋषिकेश (रोहित) श्रीभात्रे, विक्की कोट्टेवार, संदीप येडे, सुशांत मेश्राम उपस्थित होते.