Karnataka Cows Theft : बैंदुरू (कर्नाटक) येथील ३ गायींची चोरी

मंगळुरू (कर्नाटक) – दक्षिण कन्नड जिल्ह्यातील बैंदुरु येथील ३ गायींची चोरी झाल्याची घटना समोर आली आहे. येथे ४ फेब्रुवारीच्या रात्री दीड वाजता सतीश यड्तरे हे  गोठ्याच्या दाराचा आवाज आल्याने त्यांना गोठ्यात ४-५ जणांचा गट दिसला. सतीश यांना पहाताच चोरट्यांनी त्यांच्यावर तलवार उपसून त्यांना धाक दाखवला. जिवाच्या भीतीने सतीश घरात जाऊन बसले. सकाळी उठून पहाताच गोठ्यात असलेल्या ५ गायींपैकी १२ सहस्र रुपये मूल्याची एक गाय चोरून नेल्याचे त्यांच्या निदर्शनास आले, तसेच त्यांच्या घराजवळ असलेल्या त्यांच्या भारत या नातेवाईकाच्या १५ गायींपैकी २८ सहस्र रुपये मूल्याच्या २ गायी चोरून नेल्याची तक्रारही बैंदुरू पोलीस ठाण्यात प्रविष्ट (दाखल) करण्यात आली आहे.