धर्मांधांकडून हिंदुत्वनिष्ठाला मारहाण केल्याच्या निषेधार्थ ‘अक्कलकोट बंद’ला १०० टक्के प्रतिसाद !

अक्कलकोट (जिल्हा सोलापूर) – हिंदुत्वनिष्ठाला मारहाण केल्याच्या निषेधार्थ  १ फेब्रुवारी या दिवशी सकल हिंदु समाज आणि ‘श्रीराम जन्मोत्सव समिती’ यांच्या वतीने ‘अक्कलकोट बंद’ पुकारण्यात आला होता. याला अक्कलकोटकरांनी १०० टक्के प्रतिसाद देत प्रमुख बाजारपेठेतील दुकाने बंद ठेवण्यात आली होती. येथील सोमशेखर किवडे या हिंदु युवकाला समीर मुजावर, समीर जमादार आणि मुझुट्टीनवाला या धर्मांध तरुणांनी ‘एका कामासाठी जायचे आहे’, असे कारण सांगून शेजारील गल्लीत घेऊन गेले. तेथे १०-१२ तरुणांनी पीडित हिंदु युवकावर मागून कोयत्याने वार केले आहेत. या घटनेच्या निषेधार्थ ‘अक्कलकोट बंद’ पाळण्यात आला. (अक्कलकोट बंद करण्याची वेळ येईपर्यंत पोलिसांनी कारवाई का केली नाही ? – संपादक)