Khalistan Terrorists Arrested : अयोध्येचे मानचित्र काढण्यास गेलेल्या ३ खलिस्तानवाद्यांना अटक

सिकर (राजस्थान) – उत्तरप्रदेश आतंकवादविरोधी पथकाने अयोध्येत श्रीराममंदिराचे मानचित्र (नकाशा) काढण्यासाठी गेलेल्या खलिस्तानी आतंकवाद्यांशी संबंधित ३ जणांना अटक केली आहे. यातील दोघे राजस्थानच्या सिकरचे, तर तिसरा झुंझुनचा आहे. शंकरलाल, प्रदीपकुमार आणि अजितकुमार अशी त्यांची नावे आहेत.

ते खलिस्तानी आतंकवादी सुखबीरसिंह आणि गुरपतवंत सिंह पन्नू यांच्याशी संबंधित असल्याचे प्राथमिक चौकशीत समोर आले आहे.

शंकरलाल काही दिवसांपूर्वी कारागृहात होता. तिथे त्याची ओळख लखविंदरशी झाली. कारागृहातून बाहेर आल्यावर शंकरलाल लखविंदरचा पुतण्या पम्मा याला भेटला. त्याने कॅनडातील सुखविंदरचा दूरभाष क्रमांक दिला. तेव्हापासून या दोघात व्हॉट्सअ‍ॅपवर संवाद चालू झाला.