विद्यार्थ्यांसह शिक्षकांचे भ्रमणभाष चोरणारा अटकेत !

नाशिक येथील घटना

नाशिक – यवतमाळ जिल्ह्यातील एका शाळेची सहल येथे शिक्षकांसह गेली असता २० विद्यार्थ्यांचे भ्रमणभाष गोदाघाटावरील संत गाडगे महाराज धर्मशाळेतून चोरणार्‍याला पोलिसांनी अटक केली. त्याच्याकडून १ लाख ५० सहस्र रुपयांचे १८ भ्रमणभाष जप्त करण्यात आले आहेत. सागर निकुंभ हा यातील आरोपी असून शफिक शेख (वय ३६ वर्षे) याच्या साहाय्याने त्याने भ्रमणभाष चोरले.