मंचर (पुणे) येथे अयोध्येच्या श्रीराम मंगल अक्षतांची ग्राम प्रदक्षिणा यात्रा !

मंचर (जिल्हा पुणे) – मंचर (तालुका आंबेगाव) येथे अयोध्या श्रीराम मंदिर सोहळ्याप्रीत्यर्थ श्रीराम जन्मभूमी न्यास अयोध्येच्या वतीने आलेल्या श्रीराम मंगल अक्षतांची भव्य अशी ग्राम प्रदक्षिणा करण्यात आली. प्रदक्षिणा सोहळ्याचा प्रारंभ श्रीराम मंदिर, मंचर या ठिकाणाहून भव्य अशा आरतीने झाला. प्रदक्षिणा यात्रा भव्य उत्साहाने भैरवनाथ गल्ली छत्रपती संभाजी चौक, छत्रपती शिवाजी चौक मार्गे येऊन नगर पंचायत मैदान मंचर या ठिकाणी यात्रेची सांगता करण्यात आली. या प्रदक्षिणा यात्रेचे नियोजन श्रीराम जन्मभूमी तीर्थक्षेत्र न्यास अयोध्या आणि समस्त हिंदु समाज, आंबेगाव तालुका यांच्या वतीने करण्यात आले होते.

या मिरवणुकीमध्ये आंबेगाव तालुक्यातील समस्त िहंदुत्वनिष्ठ संघटना सहभागी झाल्या होत्या. त्यामध्ये बजरंग दल विश्व हिंदु परिषद, सनातन संस्था, हिंदु जनजागृती समिती, स्वराज्य संघ आणि इतर सर्व समविचारी संघटनांचे सर्व पदाधिकारी अन् सर्व कार्यकर्ते मोठ्या संख्येने उपस्थित होते. या रमणीय सोहळ्यामध्ये लहान मुली, तरुण हिंदु भगिनी आणि वयोवृद्ध महिला सहभागी झाल्या. भावपूर्ण वातावरणामध्ये महिलांनी फुगड्या खेळून अक्षदा कलशाचे उत्साहात स्वागत केले. प्रभु रामरायांच्या जयघोषामध्ये उत्साहात भावपूर्ण अशी यात्रा पार पडली.