MP Missionary School : देवास (मध्यप्रदेश) येथील २ ख्रिस्ती मिशनरी शाळांमध्ये हिंदु विद्यार्थ्यांना शिकवली जात आहे ख्रिस्ती प्रार्थना !

नवी देहली – मध्यप्रदेशमधील देवास येथील २ ख्रिस्ती मिशनरी शाळांमध्ये हिंदूंच्या अनुसूचित जाती आणि जमातींमधील विद्यार्थ्यांना ख्रिस्ती प्रार्थना करण्यास शिकवले जात आहे, अशी माहिती राष्ट्रीय बाल अधिकार संरक्षण आयोगाचे अध्यक्ष प्रियंक कानूनगो यांनी सामाजिक माध्यमांतून दिली. ‘याद्वारे या मुलांना ख्रिस्ती बनवण्याचे काम चालू असून या शाळांना प्रभावशील लोकांचे साहाय्य मिळत आहे’, असा दावाही त्यांनी केला. कानुनगो यांनी या दोन्ही शाळांना भेट दिल्यानंतर त्यांना ही माहिती मिळाली.

आज मध्य प्रदेश के देवास जिले के आदिवासी अंचलों में दौरे के दौरान दो अलग-अलग संस्थाओं का निरीक्षण किया दोनों ही संस्थान मिशनरी संस्थाओं द्वारा चलाए जा रहे थे।
जे जे एक्ट की परिभाषा में CNCP बच्चों को पंजीकृत बालगृह में CWC के आदेश से ही रखा जा सकता है,यहाँ इस क़ानून का खुला… pic.twitter.com/u5K1imKzLW

— प्रियंक कानूनगो Priyank Kanoongo (@KanoongoPriyank) December 23, 2023

कानुनगो पुढे म्हणाले की, या शाळेतील सर्व विद्यार्थी हिंदु आहेत. त्यांना ख्रिस्त्यांच्या सर्व प्रार्थना पाठ आहेत. १० वर्षांपेक्षा अल्प वयाच्या विद्यार्थ्यांकडून गवत कापून घेतले जात असून शौचालयही स्वच्छ करून घेतले जात आहे. या शाळांना विदेशातून अर्थपुरवठा होत असल्याचे आढळले आहे. या शाळांचे राजकीय लोकांशी संबंध आहेत. यातून हे स्पष्ट आहे की, येथील ‘प्रभावशाली’ लोकांचा वापर करून हिंदु मुलांच्या धर्मांतराचा प्रयत्न होत आहे. यासंदर्भात मध्यप्रदेश सरकारच्या मुख्य सचिवांना नोटीस बजावून कारवाई केली जाईल.