सातारा येथील जन्मगावी हुतात्मा तुकाराम ओंबळे यांचे स्मारक उभारण्यात येणार !

छत्रपती शिवाजी महाराज टर्मिनस येथे गोळीबार करून अतिरेकी गिरगाव चौपाटीकडे भरधाव वेगाने निघून गेले. गिरगाव चौपाटी येथे मार्गावर बॅरिकेट्स लावून पोलिसांनी टॅक्सी अडवली. या वेळी टॅक्सीतून बाहेर येऊन अतिरेकी कसाब याने पोलिसांवर गोळ्यांचा मारा केला. त्याला न जुमानता पोलीस हवालदार तुकाराम ओंबळे यांनी कसाबच्या दिशेने धाव घेतली. शरिरावर अनेक गोळ्या झेलूनही त्यांनी धावत जाऊन कसाबला जिवंत पकडले. शरीरातून रक्त्याच्या धारा वहात असूनही त्यांनी कसाबला सोडले नाही. त्यांच्या या पराक्रमामुळे पाकपुरस्कृत अतिरेक्यांपैकी एकमात्र कसाब याला जिवंत पकडता आले, तसेच त्यामुळे काँग्रेसने निर्माण केलेला तथाकथित हिंदु आतंकवादाचा बुरखा फाटला गेला. हुतात्मा तुकाराम ओंबळे यांचा पराक्रम आजही सर्व पोलीस आणि भारतीय यांमध्ये वीरश्री निर्माण करतो.