बिहारमध्ये श्री हनुमान मंदिरात फेकले मांस !

४ मासांतील ही तिसरी घटना

औरंगाबाद (बिहार) – बिहारमधील औरंगाबाद जिल्ह्यातील अमझरशरीफ पंचायत क्षेत्रातील श्री हनुमान मंदिरात समाजकंटकांनी मांस फेकल्याची घटना नुकतीच समोर आली. या घटनेनंतर संतप्त ग्रामस्थांच्या जमावाने तेथे जोरदार घोषणाबाजी करत निषेध व्यक्त केला. या मंदिरात मांस फेकण्याची ही ४ मासांतील तिसरी घटना असल्याचे ग्रामस्थांनी सांगितले. या घटनेची माहिती मिळताच दौडनगरचे उपजिल्हाधिकारी मनोज कुमार आणि पोलीस उपअधीक्षक कुमार ऋषीराज यांच्यासह पोलीस घटनास्थळी पोचले.

ग्रामस्थांना संयम बाळगण्याचा सल्ला देण्यासह आरोपींना अटक करण्यात कोणतीही कसर ठेवली जाणार नाही, अशी ग्वाही अधिकार्‍यांनी ग्रामस्थांना दिली. (भारतात संयम पाळण्याचा सल्ला केवळ हिंदूंनाच दिला जातो, हे लक्षात घ्या ! – संपादक) पोलिसांनी या प्रकरणाचे अन्वेषण चालू केेले आहे.