America Indian Student Attack : अमेरिकेमध्ये भारतीय तरुणावर प्राणघातक आक्रमण

प्रकृती चिंताजनक

इंडियाना (अमेरिका) – येथील व्हॅलपरेसो शहरामध्ये वरुण नावाच्या २४ वर्षीय भारतीय मुलाच्या डोक्यात एका स्थानिक तरुणाने चाकू भोसकल्याची घटना घडली.  वरुणवर रुग्णालयात उपचार चालू असले, तरी त्याची वाचण्याची शक्यता पुष्कळ अल्प असल्याचे डॉक्टरांकडून सांगण्यात आले आहे.

पोलिसांनी दिलेल्या माहितीनुसार, वरुण सकाळच्या सुमारास शहरातील एका सार्वजनिक व्यायामशाळेतील ‘मसाज रूम’मध्ये गेला असता ही घटना घडली. आरोपी  जॉर्डन अँड्रॅड याने सांगितले की, तो मसाज रूममध्ये गेला असता तिथे वरुण आधीच उपस्थित होता. तो थोडा विचित्र वाटला. ‘त्याच्याकडून माझ्या जिवाला धोका असून तो माझ्यावर जीवघेणे आक्रमण करू शकतो’, असे मला वाटले. त्यामुळे केवळ माझा जीव वाचवण्यासाठी मी त्याच्यावर आक्रमण केले.