मराठा समाजाला टिकणारे आरक्षण देणारच ! – एकनाथ शिंदे, मुख्यमंत्री

कोल्हापूर – आमचे सरकार मराठा समाजाला न्याय देणार आहे. मराठा समाजाला त्यांच्या अधिकाराचे, न्यायालयात टिकणारे आणि कायद्याच्या चौकटीत बसणारे आरक्षण देणार आहे. यासाठी काही अवधी लागेल. सर्वांनी धैर्य ठेवावे. तरुणांनी टोकाचे पाऊल उचलू नये, असे आवाहन मुख्यमंत्री शिंदे यांनी केले. ते कणेरी मठ येथे पत्रकारांशी बोलत होते.

ते पुढे म्हणाले, ‘‘मराठा आरक्षणप्रश्नी नेमण्यात आलेल्या मंत्र्यांच्या उपसमितीची ३० ऑक्टोबरला बैठक होईल. या बैठकीत मराठा आरक्षण प्रक्रिया, मराठा समाजाला आरक्षण देणारे विविध लाभ या विषयांवर चर्चा होईल. त्यात असणार्‍या त्रुटींविषयी तातडीने निर्णय घेतले जातील.’’