अहिल्‍यानगर येथे मुलीशी बोलत असल्‍याच्‍या रागातून हिंदु तरुणाचे अपहरण करून जिवे मारण्‍याचा प्रयत्न

१३ धर्मांधांसह अन्‍य ५ जणांवर गुन्‍हा नोंद !

भिंगार (जिल्‍हा अहिल्‍यानगर) – एका समाजाच्‍या मुलीशी बोलत असल्‍याच्‍या रागातून तरुणाचे अपहरण करून त्‍याला मारहाण करत हत्‍येचा प्रयत्न ८ ऑक्‍टोबरला रात्री भिंगारमध्‍ये करण्‍यात आला. महेश गोराडे असे मारहाण झालेल्‍या तरुणाचे नाव आहे. त्‍याच्‍यावर रुग्‍णालयात उपचार चालू आहेत. उपचारादरम्‍यान त्‍याने भिंगार कॅम्‍प पोलिसांना दिलेल्‍या तक्रारीवरून गुन्‍हा नोंद करण्‍यात आला आहे. १३ जणांना स्‍थानिक गुन्‍हे शाखा आणि भिंगार कँप पोलिसांनी रात्रीतून कह्यात घेतले आहे.

जाफरखान, असद मेडिकल दुकानदाराचा मुलगा, अनोळखी तिघेजण, साहेल मोमीन, शोएब मोमीन त्‍यांच्‍या समवेतचे अनोळखी दोघे, आफताब सय्‍यद, शाकीर शेख, मुज्‍जु शेख, फैजल शेख, इम्रान शेख, अरबाज काजी, आसिफखान, अनिस पठाण, अब्‍दुल शेख अशी गुन्‍हा नोंद झालेल्‍यांची नावे आहेत. गाडीतून महेश याला मारहाण करण्‍यासाठी घेऊन जात असतांना पोलिसांनी ती गाडी अडवून महेश याची सुटका केली आणि त्‍याला मारहाण करणार्‍या १३ जणांना अटक केली आहे.