पुसेसावळी (जिल्हा सातारा) येथील दंगलीला भाजपचे विक्रम पावसकर यांची चिथावणी ! – ‘एम्.आय्.एम्’चे फुकाचे आरोप

कोल्हापूर – पुसेसावळी (जिल्हा सातारा) येथील दंगलीला भाजपचे प्रदेश उपाध्यक्ष विक्रम पावसकर यांनी चिथावणी दिली आहे. याचसमवेत सातारा जिल्ह्याचे पोलीस अधीक्षक यांनी कर्तव्यात कसूर केल्याने त्यांच्यासह संबंधित पोलीस अधिकार्‍यांचे तात्काळ निलंबन करावे, अशी मागणी ‘एम्.आय.एम्.’ संघटनेने कोल्हापूर परिक्षेत्राचे पोलीस महानिरीक्षक सुनील फुलारी यांच्याकडे निवेदनाद्वारे केली आहे. निवेदन दिल्यानंतर झालेल्या ‘एम्.आय्.एम्’चे राज्य कार्याध्यक्ष अब्दुल गफार कादरी यांनी पत्रकार परिषद घेतली. त्या वेळी पत्रकारांना त्यांनी ही माहिती दिली. (पुसेसावळी येथील दंगलीत विक्रम पावसकर यांचा सहभाग आहे, असे अद्यापतरी कुठेही पोलीस अन्वेषणात पुढे आलेले नाही किंवा पोलिसांनी अद्याप तसे काही सांगितलेले नाही. त्यामुळे ‘एम्.आय.एम्.’चे कादरी विक्रम पावसकर यांनी चिथावणी दिल्याचा आरोप कशावरून करत आहेत ? दंगल झाली की, नेहमीच हिंदूंचे नेते, पक्ष यांना लक्ष करायचे हा मुसलमानांचा जुनाच ‘कावा’ आहे ! – संपादक)