शिक्षण संचालकांची कारवाईची चेतावणी !
नाशिक – राज्‍यातील सर्वच अकृषी विद्यापिठांना इंग्रजी अभ्‍यासक्रमाचे मराठीतून भाषांतर करण्‍याचे आदेश देण्‍यात आल्‍यानंतरही त्‍यांच्‍याकडून कुठलीही कार्यवाही झाली नाही. त्‍यामुळे उच्‍च शिक्षण विभागाच्‍या संचालकांनी २ आठवड्यांत म्‍हणजे १५ सप्‍टेंबरपर्यंत वाणिज्‍य आणि विज्ञान या शाखांच्‍या अभ्‍यासक्रमाच्‍या १० पुस्‍तकांचे मराठीत भाषांतर करण्‍याचे आदेश दिले आहेत. तसे न केल्‍यास संबंधित विद्यापिठांवर कारवाई करण्‍यात येईल, अशी चेतावणी शिक्षण संचालकांनी दिली आहे.
नवीन शैक्षणिक धोरणांतर्गत (एन्.ई.पी.) मातृभाषेतील शिक्षणाला प्राधान्‍य देण्‍यात आले आहे. त्‍यानुसार यंदापासून महाराष्‍ट्रात पदव्‍युत्तर पदवी अभ्‍यासक्रमांना एन्.ई.पी. लागू करण्‍यात आले आहे; परंतु पुढील वर्षापासून पदवीच्‍याही वर्गांना अन् टप्‍प्‍याटप्‍प्‍याने इतरही अभ्‍यासक्रमांना एन्.ई.पी. लागू होईल. जानेवारी २०२३ मध्‍ये राज्‍यातील सर्वच विद्यापिठांच्‍या कुलसचिवांची शिक्षण संचालकांनी बैठक घेऊन त्‍यांना नवीन शैक्षणिक वर्ष अर्थात् जून-जुलै २०२३ पर्यंत सर्वच इंग्रजी अभ्‍यासक्रमांचे मराठीत भाषांतराचे आदेश दिले होते. त्‍यानुसार अभियांत्रिकीच्‍या क्रमिक पुस्‍तकांच्‍या भाषांतराला प्रारंभ झाला आहे.
संपादकीय भूमिका :
|
तेनाली (आंध्रप्रदेश) येथे वेदांतशास्त्र महापरीक्षेत यश संपादन करणारे श्री. दत्तानुभव (राघव) गुलाब टेंग्से यांचे पैंगीणग्रामी स्वागत !
गोवा पोलिसांकडून मानवी तस्करीचे आंतरराष्ट्रीय जाळे उद्ध्वस्त
अजित पवार यांनाही आम्ही भगवे करू ! – देवेंद्र फडणवीस, उपमुख्यमंत्री भाजप
‘गोवा कर्मचारी भरती आयोगा’च्या माध्यमातून २ सहस्र सरकारी पदांची भरती होणार ! – मुख्यमंत्री डॉ. प्रमोद सावंत
पंडित धीरेंद्रकृष्ण शास्त्रीजी महाराज यांच्या कथा कार्यक्रमाचा भूमीपूजन सोहळा पार पडला !
पुणे येथील श्री पाताळेश्वर मंदिरात त्रिपुरारी पौर्णिमेचा सोहळा पार पडला !