टिटवाळा येथे भूमाफियांच्या टोळीकडून वृद्धेच्या घरात घुसून तोडफोड !

टिटवाळा – येथे १२ भूमाफियांनी एका वृद्ध महिलेच्या घरात घुसून तिच्या घराची तोडफोड केली आणि तेथील अल्पवयीन बालिकेचा विनयभंग केला. या प्रकरणी पोलिसांत तक्रार करण्यात आली आहे. ओळख लपवण्यासाठी या टोळीने तोंडाला रूमाल बांधला होता. यात भूमाफिया किरण गुजरे, त्याचा भाऊ परेश गुजरे, जेडी, राजेश करोतिया, भूषण धुमाळ यांच्यासह १२ जणांचा समावेश होता. हे माफिया स्थानिकांकडून हप्ते वसुली करतात. या वेळी भूमाफियांच्या हातात लाठ्या-काठ्या होत्या.  (अशांवर ठोस कारवाई व्हायला हवी ! – संपादक)