महाविकास आघाडीचे वाशी येथे सरकारविरोधात आंदोलन !

नवी मुंबई – जालना येथील मराठा तरुणांवर लाठीमार केल्‍याच्‍या घटनेच्‍या पार्श्‍वभूमीवर ६ सप्‍टेंबर या दिवशी महाविकास आघाडीच्‍या वतीने वाशीतील छत्रपती शिवाजी महाराज चौकात सरकारचा निषेध करण्‍यात आला. या वेळी काँग्रेस, राष्‍ट्रवादी काँग्रेस आणि ठाकरे गटाचे नेते उपस्‍थित होते. आंदोलकांवर झालेले लाठी आक्रमण हे सरकारपुरस्‍कृत असल्‍याने राज्‍य सरकारचा जाहीर निषेध करत असल्‍याचे आंदोलकांनी नमूद केले. या वेळी गृहमंत्र्यांच्‍या राजीनाम्‍याची मागणी करण्‍यात आली.