उदयनिधी यांच्या विधानावर उत्तर द्या !  

पंतप्रधान मोदी यांचा केंद्रीय मंत्र्यांना आदेश !

नवी देहली – तमिळनाडूचे मुख्यमंत्री एम्.के. स्टॅलिन यांचे पुत्र आणि मंत्री उदयनिधी यांनी सनातन धर्म संपवण्याविषयी केलेल्या विधानावर पंतप्रधान नरेंद्र मोदी यांनी प्रथमच विधान केले आहे. केंद्रीय मंत्रीमंडळाच्या झालेल्या बैठकीत पंतप्रधान मोदी यांनी ‘उदयनिधी यांच्या विधानावर योग्य उत्तर द्या. ते सहन करू नका’, असा आदेश दिला.

पंतप्रधान मोदी यांनी आरोप केला की, विरोधी पक्षांकडून ‘भारत’ आणि ‘इंडिया’ असा वाद निर्माण करण्याचा प्रयत्न केला जात आहे. याविषयी अधिक विधाने करू नयेत. या संदर्भात अधिकृत व्यक्तींनीच बोलले पाहिजे. इतिहासात जाऊ नये, तर राज्यघटनेच्या आधारावर बोलावे.