पाकमध्ये आतंकवाद्यांच्या आक्रमणात ९ सैनिक ठार

पेशावर (पाकिस्तान) – पाकच्या खैबर पख्तूनख्वा प्रांतामध्ये आतंकवाद्याने केलेल्या आत्मघातकी (स्वतःच्या शरिरावर बाँब बांधून त्याचा स्फोट घडवून आणणे) आक्रमण करून पाक सैन्याच्या वाहनाला उडवले. यात ९ सैनिक ठार झाले, तर ५ जण घायाळ झाले. हा आतंकवादी दुचाकीवरून आला होता. या आक्रमणाचे दायित्व ‘तहरीक-ए-तालिबान पाकिस्तान’ या आतंकवादी संघटनेने स्वीकारले आहे. १४ जानेवारी २०१९ या दिवशी जम्मू-काश्मीरमधील पुलवामा येथे केंद्रीय राखीव पोलीस दलाच्या वाहन ताफ्यावर एका चारचाकीद्वारे अशाच प्रकारे आतंकवाद्यांनी आक्रमण केले होते. यात ४० सैनिकांना वीरमरण आले होते.