पू. संभाजी भिडेगुरुजी यांच्या समर्थनार्थ पलूस (जिल्हा सांगली) येथे मोर्चा !

सांगली – श्री शिवप्रतिष्ठान हिंदुस्थानचे संस्थापक पू. संभाजी भिडेगुरुजी यांच्या समर्थनार्थ पलूस येथे मोर्चाचे आयोजन करण्यात आले होते. पलूस बसस्थानकापासून चालू झालेला मोर्चा शिवतीर्थावर समाप्त झाला. समारोपप्रसंगी पू. भिडेगुरुजी यांच्या छायाचित्रास दुग्धाभिषेक करण्यात आला. अंकलखोप येथील श्री. अतुल पाटील(सर) यांनी पू. गुरुजीच्या कार्याविषयी माहिती दिली. श्री. रोहित पाटील यांनी पू. भिडेगुरुजी यांच्यावरील आरोप कसे चुकीचे आहेत ? त्याची माहिती दिली. मोर्चात ५ वर्षांची लहान मुलगी पांढरी टोपी घालून सहभागी झाली होती, तसेच पुणदी येथील एक अपंग व्यक्ती श्री. तानाजी जोशी मोर्चात सहभागी होते. मोर्चासाठी ५०० हून अधिक धारकरी, हिंदुत्वनिष्ठ यांची उपस्थिती होती.

तासगाव – येथे श्री शिवप्रतिष्ठान हिंदुस्थानच्या वतीने शिवतीर्थावर पू. भिडेगुरुजी यांच्या प्रतिमेस दुग्धाभिषेक करण्यात आला.