सनातन प्रभात > Post Type > बातम्या > राज्यस्तरीय बातम्या > कल्याण येथील आधारवाडी कारागृहात बंदीवानाकडे सापडले १५ भ्रमणभाष !

कल्याण येथील आधारवाडी कारागृहात बंदीवानाकडे सापडले १५ भ्रमणभाष !

कारागृह अधीक्षक निलंबित !

कल्याण – येथील आधारवाडी कारागृहात एका बंदीवानाकडे १५ भ्रमणभाष सापडले. या प्रकरणी कारागृह प्रशासनाने ठोस कारवाई न केल्याने चौकशीअंती आधारवाडी कारागृहाचे अधीक्षक अंकुश सदाफुले यांना निलंबित करण्यात आले. सदाफुले यांचे नुकतेच स्थानांतर झाले आहे. बंदीवान लपूनछपून भ्रमणभाषचा वापर करतात. तो त्यांना कुठून आणि कसा पुरवला जातो ?, याचे अन्वेषण होत नाही.

यावर प्रतिक्रिया व्यक्त करतांना सदाफुले म्हणाले, ‘‘मला सेवेत बढती मिळणार होती; पण त्यापासून मला वंचित ठेवण्यासाठी ही कारवाई झाली आहे. माझे स्थानांतर झाल्यानंतर १०-१५ दिवसांनी बंदीवानाकडे भ्रमणभाष सापडले होते. हा माझ्यावर अन्याय आहे.’’

संपादकीय भूमिका

इतक्या मोठ्या प्रमाणात भ्रमणभाष कारागृहात येतातच कसे ? बंदीवानांना पोलिसांचे पाठबळ मिळत असल्याची शक्यता नाकारता येत नाही !

नूतन लेख