शिवसैनिकांच्‍या मेळाव्‍यासाठी १४ जुलैला मुख्‍यमंत्री एकनाथ शिंदे कोल्‍हापूर दौर्‍यावर ! – राजेश क्षीरसागर

कोल्‍हापूर – शिवसेना पक्षबांधणी आणि आगामी निवडणुकांच्‍या अनुषंगाने शिवसेनेचे मुख्‍य नेते आणि राज्‍याचे मुख्‍यमंत्री एकनाथ शिंदे हे शिवसैनिकांच्‍या मेळाव्‍यासाठी १४ जुलैला कोल्‍हापूर दौर्‍यावर येत आहे. या अंतर्गत दुपारी ४ वाजता शहरातील पेटाळा मैदान येथे होणार्‍या कार्यक्रमासाठी ते उपस्‍थित रहातील. एका मासात मुख्‍यमंत्र्यांचा दुसरा दौरा असल्‍याने शिवसैनिकांमध्‍ये उत्‍साहाचे वातावरण आहे, अशी माहिती राज्‍य नियोजन मंडळाचे कार्यकारी अध्‍यक्ष श्री. राजेश क्षीरसागर यांनी दिली आहे. या मेळाव्‍याच्‍या नियोजनासाठी १२ जुलैला सकाळी ११ वाजता दसरा चौक येथील राजर्षी शाहू स्‍मारक भवन येथे पदाधिकार्‍यांच्‍या मेळाव्‍याचे आयोजन करण्‍यात आले आहे.