संतश्रेष्‍ठ श्री ज्ञानेश्‍वर महाराज आणि जगद़्‍गुरु संत तुकाराम महाराज यांच्‍या पालख्‍यांचे १४ जूनला पुण्‍यातून प्रस्‍थान !

पुणे – संतश्रेष्‍ठ श्री ज्ञानेश्‍वर महाराज पालखी आणि जगद़्‍गुरु संत तुकाराम महाराज पालखी येथे १२ जूनपासून मुक्‍कामी आहेत. या पालख्‍यांचे प्रस्‍थान १४ जून या दिवशी होणार आहे. प्रस्‍थान झाल्‍यावर पालखी मार्गामध्‍ये वाहतुकीचा अडथळा येऊ नये; म्‍हणून १४ जून या दिवशी शहराच्‍या पूर्व भागातील वाहतूक व्‍यवस्‍थेत पालट करण्‍यात येणार आहे. संतश्रेष्‍ठ श्री ज्ञानेश्‍वर महाराज यांची पालखी भवानी पेठेतील विठोबा मंदिर येथून १४ जूनच्‍या पहाटे मार्गस्‍थ होणार आहे. जगद़्‍गुरु श्री तुकाराम महाराज यांची पालखी नाना पेठेतील श्री निवंडुग्‍या विठोबा मंदिर येथून मार्गस्‍थ होणार आहे.