देहली – भारताचे पंतप्रधान नरेंद्र मोदी यांनी नवीन संसद भवनात ‘सेंगोल’ (धर्मदंड) स्‍थापन करण्‍यासाठी तमिळनाडूमधील विविध अधीनम्‌च्‍या स्‍वामीजींना (मठाधिपतींना) आमंत्रित केले होते. या ऐतिहासिक सोहळ्‍याला २१ प्रमुख मठाधिपतींची वंदनीय उपस्‍थिती लाभली. संसद भवनाच्‍या उद़्‍घाटन सोहळ्‍यानंतर हिंदु जनजागृती समितीचे राष्ट्रीय मार्गदर्शक सद़्‍गुरु डॉ. चारुदत्त पिंगळे यांनी प्रमुख मठाधिपतींचा त्‍यांच्‍या निवासाच्‍या ठिकाणी जाऊन शाल आणि ग्रंथ भेट देऊन सन्‍मान केला. या वेळी सद़्‍गुरु डॉ. पिंगळे यांनी स्‍वामीजींना समितीच्‍या कार्याची संक्षिप्‍त माहिती सांगितली.
१. १ सहस्र ३०० वर्षांहून अधिक प्राचीन अशा मदुराई अधीनम्‌चे २९३ वे मठाधिपती श्री ला श्री हरिहर ज्ञानसंबंध देसिक स्‍वामी यांनी समितीच्‍या कार्यास आशीर्वाद दिले.
२. पेरूर अधीनम्‌चे मठाधिपती तथा श्री दक्षिणामूर्ती मठाचे ६ वे मठाधिपती पू. डॉ. शांतलिंगम् मरूदशाला स्‍वामी यांना समितीचे ‘हिंदु राष्‍ट्र स्‍थापने’चे कार्य ऐकून ‘विशेष आनंद झाला’, असे गौरवोद़्‍गार काढले. तसेच त्‍यांनी हिंदु जनजागृती समिती आयोजित गोवा येथे होणार्‍या ‘वैश्‍विक हिंदु राष्‍ट्र महोत्‍सवा’स आशीर्वाद दिले. स्‍वामीजींची व्‍यस्‍तता असतांनाही त्‍यांनी ‘मी प्रत्‍यक्ष एक दिवस तरी ‘वैश्‍विक हिंदु राष्‍ट्र महोत्‍सवा’त उपस्‍थित रहाण्‍याचा निश्‍चित प्रयत्न करीन’, असे सांगितले.
३. कुंड्रकुडी अधीनम्‌चे मठाधिपती, तसेच स्‍वामी वेदांतानंद यांचाही सन्‍मान करण्‍यात आला.
विशेषहिंदु जनजागृती समिती आयोजित अखिल भारतीय हिंदु राष्‍ट्र अधिवेशनास तमिळनाडू येथून प्रतिवर्षी उपस्‍थित रहाणारे युवा हिंदुत्‍वनिष्‍ठ सर्वश्री संतोषकुमार पाला, सतीश कण्‍णा उपस्‍थित होते. वर्ष २०२२ मध्‍ये झालेल्‍या दशम अखिल भारतीय हिंदु राष्‍ट्र्र अधिवेशनात श्री. संतोष यांनी स्‍वतःच्‍या भाषणात ‘सेंगोल’विषयीची माहिती सांगितल्‍याचे सांगितले आणि त्‍याविषयीचा व्‍हिडिओ या वेळी स्‍वामीजींना दाखवण्‍यात आला. |
Drugs Seized From Porbandar : गुजरातच्या पोरबंदर किनार्यावर कोट्यवधी रुपयांचे ७०० किलो अमली पदार्थ जप्त !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !
Sant Sammelan Solapur Maharashtra : हिंदु राष्‍ट्र निर्माणासाठी देशभरातील हिंदू आता जागा होत आहे ! – पंडित धीरेंद्रकृष्ण शास्त्री
Mahalinga Swamigal Expelled : तमिळनाडूतील शैव मठांच्या प्रमुखांनी स्वामीगल यांची पदावरून केली हकालपट्टी !
Bulldozer In ‘Doon’ School : देहराडून (उत्तराखंड) : ‘डून’ शाळेत उभारलेल्या अवैध थडग्यावर सरकारचा बुलडोझर !
Madras High Court : भाजप कार्यालयातून उचलून नेलेला भारतमातेचा पुतळा परत करण्याचा आदेश !