अमेरिका लाखो भारतीय वंशाच्या तरुणांना देशातून हाकलू शकते !

वॉशिंग्टन (अमेरिका) – अमेरिकेतील अडीच लाख ‘डॉक्युमेंटेड ड्रीमर्स’चे भविष्य धोक्यात आले असून त्यांना अमेरिकेतून हद्दपार होण्याचा धोका आहे. या ‘डॉक्युमेंटेड ड्रीमर्स’मध्ये बहुतेक मूळ भारतीय वंशाचे आहेत.

US fears STEM educated Hindu immigrants but will let non-graduates gatecrash its border to be naturalized citizens …. pic.twitter.com/RLtVqW9uYm

— UN (@UshaNirmala) May 27, 2023

या तरुणांना दिलासा मिळावा, यासाठी अमेरिकेचा ‘चिल्ड्रन अ‍ॅक्ट’ लवकरात लवकर संमत करण्याची मागणी अमेरिकेच्या सरकारकडे केली जात आहे. ‘इंप्रूव्ह द ड्रीम’ संघटनेचे संस्थापक आणि भारतीय वंशाचे दीप पटेल यांनी सांगितले की, अमेरिकेचा ‘चिल्ड्रन अ‍ॅक्ट’ लवकरात लवकर संमत करण्याची आणि ही समस्या कायमची संपवण्याची  वेळ आली आहे. या अडीच लाख ‘डॉक्युमेंटेड ड्रीमर्स’ पैकी ९० टक्के मुले विज्ञान, तंत्रज्ञान, अभियांत्रिकी आणि गणित या विषयांचे शिक्षण घेत आहेत. यावर्षीही ‘चिल्ड्रन अ‍ॅक्ट’ संमत झाला नाही, तर १० सहस्र तरुणांना अमेरिकेतून हद्दपार केले जाऊ शकते, असे दीप पटेल यांनी सांगितले.