निपाणीत ‘ऑनलाईन’ वीजदेयक भरणे सेवा बंद झाल्यामुळे ग्राहकांची गैरसोय !

निपाणी (कर्नाटक) – निपाणीत गेल्या २ मासांपासून तांत्रिक समस्येमुळे ‘ऑनलाईन’ वीजदेयक भरणे सेवा बंद आहे. ही सेवा परत कधी चालू होणार ? याची नेमकी माहिती प्रशासनाकडे नाही. यामुळे ग्राहकांना वीज वितरण कार्यालयात जाऊन रांगेत उभे राहून वीजदेयक भरावे लागते. परिणामी ही सेवा बंद असल्याने ग्राहकांची मोठ्या प्रमाणात गैरसोय होत आहे. (ग्राहकांची होणारी गैरसोय प्रशासनाला लक्षात येत नाही का ? – संपादक)