इस्लामचा अवमान करणार्‍या चिनी नागरिकाला पाकच्या न्यायालयाकडून जामीन संमत !

पोलिसांनी खोटा गुन्हा नोंदवल्याचा न्यायालयाचा निर्वाळा

इस्लामाबाद (पाकिस्तान) – इस्लामचा अवमान केल्याच्या प्रकरणी अटक करण्यात आलेल्या चिनी नागरिकाची आतंकवादविरोधी पथकाच्या न्यायालयाने २ लाख रुपयांच्या जामिनावर सुटका केली. त्याच्या सुटकेनंतर त्याला अज्ञात ठिकाणी ठेवण्यात आले आहे.  न्यायालयाने म्हटले की, कोहिस्तान पोलिसांनी या नागरिकाच्या विरोधात खोटा गुन्हा नोंदवला आहे. ही व्यक्ती सराईत गुन्हेगार नाही, त्यामुळे तिला जामीन दिला.

पाकिस्तान में ईशनिंदा का आरोपी चीनी नागरिक रिहा, आतंकवाद निरोधक कोर्ट ने दिए ज़मानत पर रिहाई के आदेश.#PakistanCourt #ChineseNational #Blasphemy #China @jaspreet_k5 pic.twitter.com/XNqjGAPfZq

— News18 India (@News18India) April 29, 2023

याच वर्षी १६ एप्रिल या दिवशी पाकिस्तानी कामगारांनी डासू जलविद्युत् प्रकल्पावर काम करणार्‍या या चिनी नागरिकाविरुद्ध त्याने इस्लामचा अवमान केल्याचा आरोप करत पोलिसांत तक्रार प्रविष्ट केली होती. (पाकिस्तानी कशा प्रकारे अन्य धर्मियांच्या विरोधात खोटे आरोप करून त्यांचा काटा काढतात, हे जाणा ! – संपादक)