एअर इंडियाच्या विमानात सिगारेट ओढणार्‍या भारतीय वंशाच्या अमेरिकी नागरिकाविरुद्ध गुन्हा नोंद

नवी देहली – लंडन येथून मुंबईत येणार्‍या एअर इंडियाच्या विमानामध्ये एका भारतीय वंशाच्या अमेरिकी प्रवाशाला शौचालयात सिगारेट ओढतांना पकडण्यात आले. ११ मार्चला ही घटना घडली. विमानातील कर्मचार्‍यांनी त्याला थांबवण्याचा प्रयत्न केल्यावर तो ओरडायला लागला आणि विमानाचा दरवाजा उघडण्याचा प्रयत्न करू लागला. त्यामुळे कर्मचार्‍यांनी त्याचे हात-पाय बांधून त्याला जागेवर बसवले. विमान मुंबईत पोचल्यावर पोलिसांना याची माहिती देण्यात आल्यावर या प्रवाशाविरुद्ध गुन्हा नोंदवण्यात आला. रमाकांत असे त्याचे नाव आहे.