पणजी, २२ जानेवारी (वार्ता.) – म्हादई नदीचे पाणी वळवल्याने त्याचा बेळगाव, धारवाड आणि हुब्बळ्ळी येथील नागरिकांना कोणताच लाभ होणार नाही. म्हादईचे पाणी मलप्रभा नदीत वळवले जाणार आहे. हे पाणी खानापूर, बैलहोंगल आणि सौंदती या मार्गाने वहाणार आहे. कर्नाटक सरकार म्हादईचे पाणी लोकांना पिण्यासाठी नव्हे, तर ते साखर उत्पादकांच्या ऊस लागवडीसाठी वळवत आहे. म्हादई आणि काळी नदी यांचे पाणी वळवण्यासाठी साखर उत्पादकांचा कर्नाटक सरकारवर दबाव आहे, असा आरोप कर्नाटकमधील ‘आप’चे नेते राजकुमार तोप्पन्नवर यांनी गोव्यातील खासगी वृत्तवाहिनीशी बोलतांना केला आहे.
Mahadayi water issue, is it for drinking water or for sugar lobby which is changing the landscape of North Karnataka to a dry desert area!!@BJP4Karnataka leaders are mere puppets of sugar lobby which is insensitive about people,environment & nation.they just money & we r victims pic.twitter.com/Tcz68OFCMD
— Rajkumar Topannavar (@RajeevTopanavar) January 20, 2023
ते पुढे म्हणाले, ‘‘नागरिकांची तृष्णा भागवण्यासाठी म्हादई नदीचे पाणी वळवण्याची आवश्यकता नाही. कृष्णा पाणी तंटा लवादाने दिलेले ५० टी.एम्.सी. पाणी कर्नाटक सरकार वाया घालवत आहे. हे पाणी पिण्यासाठी वापरता आले असते. म्हादईचे पाणी वळवल्यास त्याचा कर्नाटकच्या अनेक भागांवर विपरीत परिणाम होणार आहे. कर्नाटकने सरकारने अलमट्टी धरणाची उंची वाढवणे आवश्यक आहे. यामुळे कृषीसाठी आणि पिण्यासाठी मुबलक प्रमाणात पाणी उपलब्ध होऊ शकते.’’
राज्याच्या शिक्षण विभागाच्या खात्यातून ४७ लाख ६० सहस्र रुपयांची चोरी !
कथित प्रक्षोभक चिथावणी देण्याविषयी कोणताही पुरावा नसल्याने राज ठाकरे यांची निर्दाेष मुक्तता !
बारामती (पुणे) लोकसभा मतदारसंघातील अपक्ष उमेदवाराला दिले ‘तुतारी’चे चिन्ह !
माझे १६ सहस्र कोटी रुपयांचे आस्थापन कवडीमोल दराने घेतले ! – डी.एस्. कुलकर्णी यांचा आरोप
राज्यातील ग्रंथालये बंद पडण्याची स्थिती !
राज्य मानवाधिकार आयोगाचे अध्यक्ष न्यायमूर्ती तातेड यांच्याकडून पोलिसांना समन्स !