मदरशातील मौलवीने ७ वर्षांच्या मुलीवर केला बलात्कार !

उन्नाव (उत्तरप्रदेश) येथील घटना

(मौलवी म्हणजे इस्लामचा धार्मिक नेता)

उन्नाव (उत्तरप्रदेश) – येथील एका मदरशात अब्दुल रहीम नावाच्या एका मौलवीने ७ वर्षांच्या मुलीवर बलात्कार केल्याची घटना उघडकीस आली आहे. त्याहून संतापजनक प्रकार हा पोलिसांकडून घडला. त्यांनी या घटनेच्या विरोधात तक्रार प्रविष्ट करण्यासाठी गेलेल्या पीडितेच्या कुटुंबियांना तब्बल ५ घंटे ताटकळत बसवून ठेवले. तसेच पीडितेला वैद्यकीय तपासणीसाठीही पाठवले नाही. शेवटी एका वृत्तवाहिनीच्या प्रतिनिधीने तिथे धाव घेतली असता त्याच्या भीतीने पोलिसांनी तिला चाचणीसाठी पाठवले.

२० ऑक्टोबर या दिवशी कानपूर-उन्नाव सीमेवरील गंगाघाट पोलीस ठाण्याच्या अंतर्गत येणार्‍या जाजमऊ पोलीस चौकीतील ही घटना आहे. येथील परिसरात चालणार्‍या एका मदरशात अब्दुल रहीमने तिथे शिकणार्‍या ७ वर्षांच्या एका मुलीवर बलात्कार केला. मुलीने घरी जाऊन तिच्या पालकांना ही गोष्ट सांगितली. त्यानंतर कुटुंबियांनी तिला घेऊन पोलीस ठाणे गाठले.