श्रीरामपूर (नगर) येथील लव्ह जिहाद प्रकरणातील मुख्य संशयित आरोपी मुल्ला कटर टोळीवर मकोका कारवाई !

श्रीरामपूर (जिल्हा नगर) – येथे घडलेल्या लव्ह जिहाद प्रकरणातील मुख्य संशयित आरोपी मुल्ला कटर याच्यासह ६ जणांवर मकोका कारवाई करण्यात आली आहे. या गुन्ह्याचे अन्वेषण पोलीस उपअधीक्षक संदीप मिटके यांच्याकडे होते. आतापर्यंत ६ संशियत आरोपींना पोलिसांनी अटक केलेली आहे. इम्रान कुरेशी उपाख्य मुल्ला कटर हा श्रीरामपूर येथील कुख्यात गुन्हेगार आहे. अल्पवयीन मुलींचे अपहरण, बळजोरीने धर्मांतर करणे, मुलींची विक्री करणे, सामूहिक अत्याचार करणे आणि वेश्या व्यवसायास त्यांना भाग पाडणे असे गंभीर गुन्हे त्याच्या टोळीवर नोंद आहेत. (लव्ह जिहाद रोखण्यासाठी कठोर कायदा सिद्ध करून धर्मांधांना कायमचा धाक बसेल, अशी कारवाई व्हायला हवी. – संपादक)