अमेरिकेचे राष्‍ट्राध्‍यक्ष २४ ऑक्‍टोबरला ‘व्‍हाईट हाऊस’मध्‍ये दीपावली साजरी करणार !

वॉशिंग्‍टन (अमेरिका) – अमेरिकेचे राष्‍ट्राध्‍यक्ष जो बायडेन २४ ऑक्‍टोबर या दिवशी त्‍यांच्‍या व्‍हाईट हाऊस या निवासस्‍थानी दीपावली साजरी करणार आहेत. यासह माजी राष्‍ट्राध्‍यक्ष डोनाल्‍ड ट्रम्‍प हेही फ्‍लोरिडा येथील त्‍यांच्‍या ‘मार-ए-लागो’ या ‘रिसॉर्ट’मध्‍ये (मनोरंजनाचे ठिकाण) २१ ऑक्‍टोबर या दिवशी दीपावली साजरी करणार आहेत. राष्‍ट्राध्‍यक्ष बायडेन यांच्‍या दीपावलीच्‍या कार्यक्रमाला भारतीय वंशाच्‍या अमेरिकेतील प्रतिष्‍ठित नागरिकांना आमंत्रित करण्‍यात येणार आहे. यासह सरकारमधील भारतीय वंशाच्‍या अधिकार्‍यांचाही यात समावेश असणार आहे.