कोल्हापूर जिल्ह्यात हिंदुत्वनिष्ठ-धर्मप्रेमी यांच्या घरांवर, गावे आणि गल्ल्या यांमध्ये डौलाने फडकला भगवा ध्वज !

हिंदु जनजागृती समितीचे ३ ते ५ ऑक्टोबर ‘हर घर भगवा’ अभियान !

गेले काही दिवस सामाजिक माध्यमांद्वारे या अभियानात सहभागी होण्याचे आवाहन करण्यात येत आहे. यात उत्स्फूर्त सहभाग नोंदवत अनेकांनी ‘व्हॉट्सॲप’वर वैयक्तिक, तसेच गटांचा ‘डीपी’ हा ‘हर घर भगवा’ अभियानाचा ठेवला आहे.

कोल्हापूर येथील शिवसेनेचे करवीर तालुकाप्रमुख श्री. राजू यादव यांनी त्यांच्या घरावर लावलेला भगवा ध्वज

सांगली जिल्ह्यातील कुमठे (तासगाव तालुका) येथील धर्मप्रेमींनी एकत्र येऊन लावलेला भगवा ध्वज

कोल्हापूर, ३ ऑक्टोबर (वार्ता.) – हिंदु जनजागृती समितीच्या वतीने ३ ते ५ ऑक्टोबर या कालावधीतील देशव्यापी ‘हर घर भगवा’ अभियानास ३ ऑक्टोबरपासून प्रारंभ झाला. यात कोल्हापूर जिल्ह्यात हिंदुत्वनिष्ठ-धर्मप्रेमी यांच्या घरांवर, गावांमध्ये आणि गल्ल्यांमध्ये भगवा ध्वज डौलाने फडकला. अनेक सामान्य हिंदूंनीही या अभियानात सहभागी होत स्वत:च्या घरांवर अभिमानाने भगवा ध्वज फडकवला.

१. उंचगाव येथील लोणार वसाहत येथील १०० घरांवर भगवा ध्वज लावण्यात आला होता. या उपक्रमात सर्वश्री अनिल गौंड, नितीन काळे, संतोष चोरगे, महेश काळे यांसह अन्य सहकारी यांनी पुढाकार घेतला.

२. शिवसेनेचे करवीर तालुकाप्रमुख श्री. राजू यादव या अभियानात सहभागी आहेत.