मुंबई ‘मेट्रो-३’ची आरेच्या सारीपूतनगर येथे ट्रॅकवर चाचणी

मुंबई – कुलाबा-वांद्रे-सिप्झ मार्गावरच्या ‘मेट्रो-३’ची ३० ऑगस्ट या दिवशी चाचणी झाली. मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत आरेच्या सारीपूतनगर येथील ट्रॅकवर ही चाचणी झाली. या चाचणीच्या पार्श्वभूमीवर आरे परिसरात दोनशे पोलीस तैनात करण्यात आले होते.  मुंबई ‘मेट्रो-३’च्या कारशेडवरून सध्या मोठा वाद चालू आहे. महाविकास आघाडीच्या सरकारने रहित केलेल्या आरे कारशेडला सध्याच्या युतीच्या सरकारने संमती दिली. त्यानंतर आरेमध्ये कारशेड होऊ नये यासाठी पर्यावरणवादी आक्रमक झाले आहेत.