फरीदाबाद (हरियाणा) येथे धर्मांध तरुणांकडून हिंदु तरुणाचा शिरच्छेद !

हिंदुत्वनिष्ठ संघटनांकडून आंदोलन !

फरीदाबाद (हरियाणा) – येथील पर्वतिया कॉलनीमध्ये देवेंद्र नावाच्या हिंदु तरुणाचा कमाल कुरेशी नावाच्या तरुणाने शिरच्छेद केल्याची घटना उघडकीस आली. या घटनेनंतर हिंदुत्वनिष्ठ संघटनांनी रस्त्यांवर उतरून आंदोलन चालू केले आहे. यामुळे येथे तणाव निर्माण झाला आहे. ‘जोपर्यंत कुरेशी याला अटक केली जात नाही, तोपर्यंत आम्ही आंदोलन चालूच ठेवणार’, असे या संघटनेकडून सांगण्यात आले आहे. पोलिसांनी येथे मोठ्या प्रमाणात बंदोबस्त ठेवला आहे. या हत्येमागचे कारण अद्याप समजू शकले नाही.

१. देवेंद्र यांच्या घराजवळ तिघे तरुण आले होते. त्यांनी देवेंद्र यांना बाहेर बोलावले आणि धारदार शस्त्रांद्वारे त्याचा शिरच्छेद करून पळून गेले. देवेंद्र यांचे भावोजी राष्ट्रीय स्वयंसेवक संघाचे स्वयंसेवक आहेत.

२. बजरंग दलाचे नेते अशोक बाबू यांनी आरोप केला की, देवेंद्र यांची हत्या जिहाद्यांनी केली आहे. नूंह येथे नुकतेच धर्मांधांनी एका पोलीस उपअधीक्षकाला डंपरद्वारे चिरडून ठार मारले होते. हरियाणामध्ये धर्मांधांची गुन्हेगारी वाढत आहे. हिंदूंच्या हत्या होत आहेत. धर्मांध आरोपींना चकमकीत ठार केले जात नाही, तोपर्यंत आम्ही आंदोलन चालूच ठेवू, असेही त्यांनी सांगितले.