सनातन प्रभात > Post Type > बातम्या > आंतरराष्ट्रीय बातम्या > न्यूयॉर्कमध्ये गोळीबारात शीख युवकाचा मृत्यू

न्यूयॉर्कमध्ये गोळीबारात शीख युवकाचा मृत्यू

अमेरिकेत शिखांवर सातत्याने आक्रमणे होत असल्याने संताप व्यक्त

न्यूयॉर्क – येथील ‘रिचमंड हिल’ भागात असलेल्या ‘साउथ ओजोन पार्क’ क्षेत्रामध्ये २५ जून या दिवशी एका शीख व्यक्तीवर गोळीबार करून तिची हत्या करण्यात आली. सतनाम सिंह असे या व्यक्तीचे नाव आहे. ‘न्यूयॉर्क पोस्ट’मध्ये प्रकाशित झालेल्या माहितीनुसार, ३१ वर्षीय सिंह एक चारचाकी वाहनात बसलेले असतांना आक्रमणकर्त्याने त्यांच्यावर जवळून गोळीबार केला. अमेरिकेत शिखांवर सातत्याने होत असलेल्या आक्रमणांमुळे संताप व्यक्त केला जात आहे.


याआधी १३ एप्रिल २०२२ मध्ये रिचमंड हिल भागातच दोन शिखांवर आक्रमण करण्यात आले होते. त्यांना आधी काठ्यांनी बेदम मारहाण करण्यात आली आणि नंतर त्यांची पगडी काढण्यात आली होती. या घटनेच्या काही दिवसांपूर्वीच निर्मल सिंह या ७२ वर्षीय शीख वृद्धावरही आक्रमण करण्यात आले होते. या सर्व घटनांमुळे शिखांनी आंदोलन करत आक्रमणकर्त्यांना अटक करून त्यांच्यावर कठोर कारवाई करण्याची मागणी केली होती.

नूतन लेख