पुणे – शहरातील मिळकतकराची माहिती घेण्यासाठी आस्थापनांनी चुकीच्या पद्धतीने काम केल्याने अनेक मिळकतधारकांची ४० टक्केची (मिळकत करावर ४० टक्के सवलत दिली जात होती.) सवलत रहित झाली आहे. यामुळे नागरिकांना मिळकत कराची ज्यादा रकमेची देयके आल्याने महापालिका प्रशासनावर प्रचंड टीका होत आहे. महापालिकेने हे काम करणाऱ्या ‘सारा आयटी रिसोर्सेस प्रायव्हेट लिमिटेड’ आणि ‘सायबर टेक सिस्टीम अँड सॉफ्टवेअर’ या २ आस्थापनांना पावणेतीन कोटी रुपयांचा दंड ठोठावला आहे. या संस्थांनी मिळकतीची अंतर्गत मापे पडताळणे, मिळकतधारकाचा भ्रमणभाष क्रमांक, ई-मेल पत्ता, मिळकतीची छायाचित्रे, मिळकतीचा जुना मिळकत कर क्रमांक आणि जी.आय.एस्. मिळकत क्रमांक यांचा समावेश करून क्यूआर कोड सिद्ध करून देणे, ही कामे करणे आवश्यक होते; मात्र या दोन्ही आस्थापनांकडून चुकीच्या पद्धतीने काम केल्याने नागरिकांची ४० टक्केची सवलत गेली आहे. या चुकीच्या कामामुळे आस्थापनांना दंड केला असल्याचे मिळकत कर संकलन विभागाचे उपायुक्त अजित देशमुख यांनी सांगितले.
सनातन प्रभात > Location > आशिया > भारत > महाराष्ट्र > जी.आय.एस्. मॅपिंगसाठी नेमलेल्या आस्थापनांना पावणेतीन कोटी रुपयांचा दंड !
जी.आय.एस्. मॅपिंगसाठी नेमलेल्या आस्थापनांना पावणेतीन कोटी रुपयांचा दंड !
नूतन लेख
- एवढे अनधिकृत बांधकाम होईपर्यंत प्रशासन झोपले होते का ?
- श्रीरामनवमीला गोरक्षकांवर प्राणघातक आक्रमण होऊनही त्यांनी ७ गोवंशियांचे प्राण वाचवले !
- मोशी, चिखली (पुणे) येथे ‘नीलेश बोराटे सोशल फाऊंडेशन’चा श्रीरामनवमी उत्सव !
- पुणे येथे होर्डिंग कोसळल्याच्या प्रकरणी होर्डिंग मालकाला नोटीस !
- पुणे येथील ‘सिटी इंटरनॅशनल स्कूल’कडून ‘आर्.टी.ई.’तील प्रवेश घेतलेल्या विद्यार्थ्यांना अनुत्तीर्ण केल्याचा आरोप !
- नाशिक येथे अवैध सावकार वैभव देवरे याने भाजप पदाधिकार्याकडून २० लाख रुपयांच्या बदल्यात ३ कोटी रुपयांची वसुली केली !