ब्रिटनमध्ये अल्पवयीन बलात्कारित मुलींची क्षमा मागितल्याने ८७० मुसलमान बलात्काऱ्यांचा गुन्हा माफ !

लंडन (ब्रिटन) – ब्रिटनमध्ये अल्पवयीन बलात्कारित मुलींची क्षमा मागितल्यास त्यांच्यावर अत्याचार केलेल्या ‘ग्रूमिंग गैंग’मधील मुसलमानांचे गुन्हे माफ करण्यात येत आहेत. अशी तब्बल ८७० प्रकरणे समोर आली आहेत. अनेक पीडितांनी सांगितले की, त्यांचे लैंगिक शोषण केल्यानंतर त्यांना वेश्याव्यवसायात ढकलण्यात येते. एवढे गंभीर आरोप असूनसुद्धा ब्रिटन पोलीस त्यांच्यावर कठोर कारवाई करतांना दिसत नाही. ‘द मिरर’ने प्रकाशित केलेल्या अहवालातून ही माहिती समोर आली आहे.

पोलिसांच्या एका मोहिमेच्या अंतर्गत अल्प तीव्रतेच्या गुन्ह्यांमध्ये सहभागी आरोपींनी क्षमा मागितल्यास त्यांना सोडण्यात येत आहे; परंतु ब्रिटन पोलीस त्याचा प्रयोग ‘ग्रूमिंग गँग’च्या बलात्काऱ्यांना सोडण्यासाठीही करते. ‘साउथ यॉर्कशायर’च्या पोलिसांनी किमान ७८ प्रकरणांमध्ये या धोरणाचा वापर केला, तर डरहम, नॉटिंगमशियर मध्ये १३ हून अल्प आयू असलेल्या मुलींवर केलेल्या बलात्कारांच्या प्रकरणांमध्ये याचा वापर करण्यात आला. अन्य शहरांतील पोलिसांनीही या धोरणाचा वापर लैंगिक शोषणाच्या गुह्यांची प्रकरणे निकालात लावण्यासाठी केला.