पोलिसाने वाहनचालकाच्या कानशिलात लगावली !

कोल्हापूर, ३० मे – राष्ट्रवादी काँग्रेसचे आमदार आणि राज्याचे गृहनिर्माणमंत्री जितेंद्र आव्हाड हे कोल्हापूर जिल्ह्याच्या दौऱ्यावर आले होते. जितेंद्र आव्हाड यांच्या वाहनांचा ताफा भाऊसिंगजी रस्त्यावर पोचला असता चौकात अनेक गाड्यांमुळे वाहनकोंडी झाली होती. त्या वेळी एका पोलिसाने त्याच रस्त्यावर असणाऱ्या एका वाहनचालकाच्या कानशिलात लगावली. या घटनेची ध्वनीचित्रफीतही सामाजिक माध्यमांवर फिरत आहे. वाहनचालकाला मारहाण करणाऱ्या पोलीस कर्मचाऱ्याविरोधात आता संताप व्यक्त केला जात असून कारवाईची मागणी करण्यात येत आहे. (वाहनकोंडीसाठी थेट सर्वसामान्य माणसावर हात उचलणे, हा पोलिसांचा उद्दामपणा झाला. परिस्थिती समजून न घेता पोलीस जनतेशी अशा प्रकारे अरेरावी करत असतील, तर पोलिसांचा जनतेला कधीतरी आधार वाटेल का ? अशा पोलिसांना कठोर शिक्षा करायला हवी. – संपादक)