शिवसेनेचे संजय राऊत आणि संजय पवार यांच्याकडून राज्यसभा निवडणुकीसाठी उमेदवारी अर्ज प्रविष्ट !

मुंबई – शिवसेनेचे खासदार संजय राऊत आणि शिवसेनेचे कोल्हापूर विभाग प्रमुख संजय पवार यांनी राज्यसभा निवडणुकीसाठी उमेदवारी अर्ज प्रविष्ट केला आहे. या वेळी मुख्यमंत्री उद्धव ठाकरे यांच्यासह राष्ट्रवादी काँग्रेसचे अध्यक्ष शरद पवार उपस्थित होते. महाराष्ट्रातील सहा जागांसाठी १० जून या दिवशी मतदान होणार आहे. छत्रपती संभाजीराजे यांनी अपक्ष निवडणूक लढवण्याची घोषणा केली होती. यासाठी त्यांनी महाविकास आघाडीला पाठिंबा देण्याची मागणी केली होती; मात्र शिवसेनेने संजय पवार यांना उमेदवारी घोषित केली.