सर्वोच्च न्यायालयाच्या निवडणुकीच्या निर्णयाविषयी राज्य सरकारमध्ये संभ्रम !

मुंबई ५ मे (वार्ता.) – सर्वोच्च न्यायालयाने राज्य सरकारच्या कायद्याविषयी भाष्य केलेले नाही. त्यामुळे न्यायालयाचा निर्णय नेमका काय आहे ? याविषयी राज्य सरकारमध्ये संभ्रम निर्माण झाला आहे. याविषयी चर्चा करण्यासाठी ५ मे या दिवशी मुख्यमंत्री उद्धव ठाकरे यांनी वरिष्ठ अधिकाऱ्यांची बैठक बोलावली होती. या बैठकीत न्यायालयाच्या निर्णयावर चर्चा झाली; मात्र तज्ञांशी चर्चा करून निवडणुकीविषयीचे धोरण ठरवण्यात येणार आहे. या बैठकीला उपमुख्यमंत्री अजित पवार हेही उपस्थित होते.