महाराष्ट्रात कायदा आणि सुव्यवस्था बिघडवण्याचा कट ! – राज्य गुप्तचर विभाग, महाराष्ट्र

मुंबई – अन्य राज्यांतील काही लोक महाराष्ट्रातील कायदा आणि सुव्यवस्था बिघडवण्याचा कट करत आहेत, अशी माहिती राज्य गुप्तचर विभागाकडून गृहमंत्र्यांना देण्यात आली. भोंग्यांच्या पार्श्वभूमीवर ३ मे या दिवशी गृहमंत्री दिलीप वळसे पाटील यांची राज्यातील वरिष्ठ पोलीस अधिकाऱ्यांसमवेत बैठक झाली. त्या वेळी ही माहिती त्यांना देण्यात आली. या बैठकीनंतर सुव्यवस्था राखण्याविषयी करावयाच्या उपाययोजनांविषयी गृहमंत्र्यांसह वरिष्ठ पोलीस अधिकाऱ्यांनी मुख्यमंत्र्यांशी संवाद साधला.