श्री शिवप्रतिष्ठान हिंदुस्थानचे संस्थापक पू. संभाजीराव भिडेगुरुजी घायाळ !

सांगली, २७ एप्रिल (वार्ता.) – शिवछत्रपतींचे कार्य घराघरांत पोचवणे यासाठी अहोरात्र भ्रमण करणारे, तरुणांसह आबालवृद्धांसाठी आदर्श असलेले श्री शिवप्रतिष्ठान हिंदुस्थानचे संस्थापक पू. संभाजीराव भिडेगुरुजी गणपति पेठ येथील श्री गणपति मंदिराजवळ रस्त्यातील खड्ड्यांमुळे सायकलवरून पडून घायाळ झाले आहेत. यात त्यांना कमरेच्या खाली मार लागलेला आहे. पू. भिडेगुरुजी यांना उपचारांसाठी भारती रुग्णालयात भरती करण्यात आले आहे. त्यांच्या तपासण्या करून त्यानुसार पुढील उपचारांची दिशा ठरवली जाणार आहे.