(कै.) सौ. अनिता प्रकाश घाळी (वय ६७ वर्षे) यांचे अंत्यदर्शन घेतांना जाणवलेली सूत्रे

१२.४.२०२२ या दिवशी रामनाथी (गोवा) येथील सनातनच्या आश्रमातील साधिका सौ. अनिता प्रकाश घाळी (वय ६७ वर्षे) यांचे हृदयविकारामुळे निधन झाले. १३.४.२०२२ या दिवशी सकाळी ९.३० वाजता साधिका त्यांच्या अंत्यदर्शनासाठी गेल्या होत्या. त्या वेळी त्यांना जाणवलेली सूत्रे पुढे दिली आहेत.

१. सौ. सुजाता अशोक रेणके, सनातन आश्रम, रामनाथी, गोवा.

अ. ‘व्यक्तीचा मृत्यू झाल्यावर तिचे शरीर हळूहळू कडक होते’, असे मी ऐकले होते; परंतु सौ. घाळीकाकूंचा मृत्यू होऊन १२ घंटे झाल्यावरही त्यांचे शरीर अगदी जिवंत असल्याप्रमाणे मऊ लागत होते. त्यामुळे मला त्यांच्या हातात बांगड्या सहजतेने भरता आल्या.

आ. ‘त्या वास्तूत कुणाचे निधन झाले आहे’, असे वाटत नव्हते.

२. सौ. नेहा निरंजन दाते, सनातन आश्रम, रामनाथी, गोवा.

अ. ‘मला तेथील वातावरणात दाब जाणवला नाही किंवा भीतीही वाटली नाही.’

(लेखातील सर्व सूत्रांचा दिनांक : १५.४.२०२२)