पुत्तुरू (कर्नाटक) येथील श्री लक्ष्मीदेवी बेट्ट देवस्थानात युगादी निमित्त हिंदु राष्ट्रासाठी संकल्प !

पुत्तुरू (कर्नाटक) – पुत्तुरच्या श्री लक्ष्मीदेवी बेट्ट देवस्थानात युगादीनिमित्त धर्मध्वज उभारून हिंदु राष्ट्रासाठी प्रार्थना करण्यात आली आणि प्रभु श्रीरामाचा नामजप सामूहिक करण्यात आला. श्री लक्ष्मीदेवी बेट्ट देवस्थानाचे पुजारी श्री. ऐतप्पा सफल्य यांनी देवीची विशेष पूजा करवून ‘हिंदु राष्ट्राच्या स्थापनेत येणारे सर्व अडथळे दूर होऊन धर्मकार्य करणाऱ्या सर्वांचे रक्षण होऊ दे’, अशी विशेष प्रार्थना केली.
या वेळी श्री लक्ष्मीदेवी बेट्ट देवस्थानातील पुरोहित श्री. प्रवीणचंद्र भट, देवस्थानमधील सर्वश्री श्रीकृष्ण प्रसाद, लक्ष्मी प्रसाद, जनार्दन प्रसाद, उद्योगपती संतोष कुमार राय कैकार, उद्योगपती नवीन कुलाल, बालकृष्ण सोरके, धर्मप्रेमी सर्वश्री विजयकुमार, श्रीधर नोंड, सुधीर नोंड, जगदीश शेट्टी, सतीश भंडारी, राजेश बोळुवार, हिंदु जनजागृती समितीचे श्री. हरिप्रसाद शेट्टी, सनातन संस्थेचे श्री. दयानंद हेगडे आणि अन्य मान्यवर उपस्थित होते.