साईबाबांच्या मंदिराची आतंकवाद्यांनी पहाणी केली नसल्याचे नगर पोलिसांचे स्पष्टीकरण !

शिर्डी (जिल्हा नगर) – येथील साईबाबांच्या मंदिराची दुबईवरून आलेल्या आतंकवाद्यांनी पहाणी केल्याचे वृत्त माध्यमांमधून देण्यात आले होते; पण हे वृत्त निराधार असल्याचे नगर पोलिसांनी सांगितले आहे. शिर्डी, तसेच नगर जिल्ह्यात आतंकवाद्यांनी पहाणी केल्याचा कुठलाही प्रकार घडलेला नाही. यासंदर्भात संबंधित सर्व तपासयंत्रणांकडून माहिती घेण्यात आली आहे, असे नगरचे अतिरिक्त पोलीस अधीक्षक सौरभ अग्रवाल यांनी सांगितले.