रथसप्तमीच्या निमित्ताने पैलवान शुभम चव्हाण यांनी घातले २ सहस्र ५०० सूर्यनमस्कार !

पू. संभाजीराव भिडेगुरुजी यांच्याकडून प्रेरणा घेऊन झाला उपक्रम !

सांगली, ८ फेब्रुवारी (वार्ता.) – रथसप्तमी आणि जागतिक सूर्यनमस्कारदिनाच्या निमित्ताने येथील पैलवान आणि श्री शिवप्रतिष्ठान हिंदुस्थानचे धारकरी श्री. शुभम चव्हाण यांनी २ सहस्र ५०० सूर्यनमस्कार घातले. या संदर्भात श्री. शुभम चव्हाण म्हणाले, ‘‘प्रतिदिन पू. संभाजीराव भिडेगुरुजी विष्णु घाट येथे धारकर्‍यांकडून व्यायाम करवून घेतात, यात सूर्यनमस्काराचाही समावेश होता. त्यामुळे त्यांच्याकडून प्रेरणा घेऊन मी ८ घंट्यांत २ सहस्र ५०० सूर्यनमस्कार घातले.’’