काँग्रेसचे प्रदेशाध्यक्ष नाना पटोले यांची जीभ कापा आणि १ लाख रुपये मिळवा !

जालना येथील भाजप युवा मोर्चाचे पत्र प्रसारित !

जालना – पंतप्रधान नरेंद्र मोदी यांना मारण्याची भाषा करणारे काँग्रेसचे प्रदेशाध्यक्ष नाना पटोले यांच्या विरोधात राज्यात भाजपने आक्रमक भूमिका घेतली आहे. भाजप युवा मोर्चाच्या वतीने नाना पटोले यांची जीभ कापून आणणार्‍याला १ लाख रुपयांचे पारितोषिक दिले जाईल, अशा आशयाचे पत्र सामाजिक माध्यमातून प्रसारित करण्यात आले आहे, तसेच ‘पटोले यांच्यावर फौजदारी गुन्हा नोंद करावा’, अशीही मागणी या संघटनेने केली आहे.